Kosovë: Pritjet te Dheu i Bardhë shkojnë deri në 1 orë

Pikëkalimi kufitar mes Kosovës dhe Serbisë tek Dheu i Bardhë vazhdon të mbetet më i ngarkuari në dalje nga Kosova.

Pritjet për të dalë nga kjo pikë kufitare shkojnë deri në 1 orë, derisa kolonat janë deri në 200 metra.

Pritje më të vogla ka në Merdar e Muçibabë. Pritjet në këto pika kufitare shkojnë nga 20 deri në 25 minuta, derisa kolonat janë 60 deri në 80 metra, shkruan albinfo.ch.

Ndërsa në pikëkalimet e tjera kufitare, sipas të dhënave të përditësuara nga Ministria e Brendshme e Kosovës, nuk ka pritje.