Kosova
Nisma e kryeministrit Kurti për mjekët nga diaspora: Pro & Contra
Kosova mund të përfitojë nga mjekët në diasporë nëse partitë politike nuk e masin fuqinë e diasporës vetëm përmës votës dhe remitencave
Çdo kush që ka pak kujtesë “historike” mban mend çfarë kanë premtuar e çfarë kanë realizuar politikanët kosovarë dhe cilën rrugë të propagandës politike kanë ndjekur për t’i arritur qëllimet e tyre politike.
Aktualisht kemi një situatë politike në Kosovë, ku nuk ka mbetur politikan pa u vënë në sprovë të punës dhe pushtetit. Populli i ka dhënë mundësinë pothujase secilit politikan që i ka kërkuar votën për qeverisje.
Evidente është megjithatë se Kosova kurrë nuk ka qenë më mirë e më e fortë se këto 20 vjetët e fundit, siç është e vërtetë se jemi ende larg mundësisë çfarë ka mundur të ishte Kosova për këto 20 vjet.
Sido që të jetë, në Zvicër jetojnë qindra-mijëra shqiptarë, të cilët me punën e tyre po kontribuojnë që Zvicra të jetë e para në botë në mirëqenie ekonomike, të ketë një sistem të përkryer të arsimit dhe ta ketë një ndër sistemet më të mira shëndetësore në botë, ku nuk mungojnë emra të njohur e drejtues spitalesh nga mjekët më të njohur shqiptarë. Kosova mund të përfitojë nga ky aset nëse partitë politike nuk e masin fuqinë e diasporës vetëm përmës votës dhe remitencave.
Nisur nga kjo që u tha, platforma albinfo.ch, si mediumi i vetëm që mban gjallë botimin e printuar, në këtë numër merret me nismën e kryeministrit Kurti për kthimin e mjekëve shqiptarë nga diaspora. Për këtë nismë, përmes intervistave, kemi marrë këndvështrimin e mjekëve shqiptarë që jetojnë në Zvicër, shumë nga të cilët atë e shohin gati si utopi, sepse, sipas tyre, Kosova duhet së pari ta ketë një plan si ta parandalojë numrin e lartë të mjekeve dhe mjekëve kosovarë që po e braktisin Kosovën.
Organizimi i kongresit dyditor “Swiss Medical School 2022” që është mbajtur në fillim të nëntorit në Prishtinë, ishte edhe një mundësi shtesë, që sadopak mund të japë një përgjigje modeste në pyetjen e trajtuar si temë që në titull të këtij editoriali.
Ndryshe, mjekët shqiptarë të Zvicrës aty sollën eksperiencën e tyre të punës e shkollimit para studentëve dhe mjekëve kosovarë nga një vend që ka sistemin më të avancuar shëndetësor në botë. Prandaj, qeveria duhet ta shfrytëzojë këtë mundësi e të përfitojë nga përvoja zvicerane e mjekeve dhe mjekëve shqiptarë për një riorganizim të gjerë të sistemit shëndetësor të Kosovës për të ndihmuar në zgjidhjen e problemeve që ka Kosova me sistemin e shëndetësisë.
Krahas temës qendrore, albinfo.ch në këtë numër i kushton vëmendjen e duhur një inovacioni interesant të kirurgut shqiptar nga Zvicra, Gazmend Morina.
Një reportazh mbi turizmin në Mal të Zi dhe tema të tjera interesante nga Zvicra, Kosova e vende të tjera, janë po ashtu pjesë përbërëse e numrit më të ri të Albinfo.ch.
Të ngjashme
Të tjera nga Kosova
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?