Unioni i Bizneseve Shqiptare-Gjermane, takimi me afaristët shqiptarë në Saarbrücken

Në Saarbrücken, Unioni i Bizneseve Shqiptare-Gjermane, nën organizimin e Irfan Tërnava, koordinator për këtë land, mbajti një takim me disa afaristë shqiptarë të kësaj ane, përcjell albinfo.ch.

Thuhet se të pranishmit u njoftuan nga drejtori ekzekutiv i UB mbi strategjinë e re dhe objektivat e saja për përfshirjen sa më të gjerë të bizneseve shqiptare në tërë territorin e RF të Gjermanisë.

Vlen të theksohet se bizneset shpalosen sukseset e tyre të punës në vendet ku veprojnë dhe interesimin e tyre të kenë qasje në projekte investive, individuale apo të përbashkëta, në vendlindje.

Ishte për t’u përshëndetur interesimi i bizneseve te reja për t’u bërë anëtarë të UB-së, e cila çdo ditë po krijon ura lidhjeje dhe bashkëpunimi në mes të bizneseve, shoqatave dhe institucioneve relevante në diasporë e vendlindje.

Me qëllim të përfshirjes ma të gjerë dhe ma të lehtë organizative, Unioni i Bizneseve ka filluar riorganizimin e saj të brendëshëm duke i themeluar degët e saja. Kështu që më 4 nëntor, nga orën 18:30, në Konsulatën e Republikës së Kosovës në Frankfurt do të organizohet themelimi i Degës së Frankfurt-it, e cila formë organizative e brendshme e UB-së do të përfshijë landet: Hessen, Rheinland-Pfalz, Saarland dhe qytetin Aschaffenburg të Bayernit.

Derisa një javë pas, themelimin e Degës organizative në Baden Württemberg.

Unioni i Bizneseve në njërën anë do të jetë shumë afër bizneseve kudo që ndodhen ato, duke i takuar dhe njohur, dhe në anën tjetër, do t’i përkrahë, do t’i promovojë dhe do t’i përfaqësojë dinjitetshëm.

Erfolg verbindet!

Saarbrücken, 28.10.2022