Modeli i “mjekut të familjes”, gjithnjë e më i njohur në Zvicër

Pas rritjeve masive të primeve të sigurimit shëndetësor për vitin 2023, shumë konsumatorë po kërkojnë mënyra për të ulur koston, përcjell albinfo.ch.

Faqja e krahasimit të çmimeve analizoi tendencat e motorëve të kërkimit midis njerëzve që kërkonin opsione më të lira dhe zbuloi se modeli i ‘mjekut të familjes’ është aktualisht më i popullarizuari, me 42.5 për qind të të gjitha kërkimeve të fundit të sigurimit shëndetësor, njoftoi Comparis të enjten.

Kjo është 5.1 për qind më shumë se në vitin 2021.

Sipas këtij modeli, të siguruarit duhet të konsultohen me një mjek familjar – një mjek i përgjithshëm – i cili do të caktohet nga kompania e sigurimit dhe do të jetë përgjegjës për të gjithë trajtimin mjekësor.

Ai ose ajo do ta drejtojë pacientin te një specialist nëse është e nevojshme. Politikat “e rregullta” (më të shtrenjta) i lejojnë pacientët të zgjedhin vetë mjekët e tyre dhe të konsultohen me një specialist pa rekomandim.

Megjithatë, të siguruarit mund të kursejnë deri në 25 për qind në primet e tyre nëse zgjedhin modelin e “mjekut të familjes”.