Cyrih, takime B2B me Gratë Ndërmarrëse nga Kosova dhe Bizneset nga Diaspora

Në Cyrih do të mbahet një takim me Gratë Ndërmarrëse nga Kosova dhe Bizneset nga Diaspora B2B e organizuar nga Germin me 13 tetor, shkruan albinfo.ch.

Takim do të zhvillohet në Cyrih, Zvicër më 13 tetor 2022, nga ora 10:00-14:00 në Aubery, (Adresa: Schiffbaustrasse 10, 8005 Zürich, Switzerland).   

Me anë të këtij takimi synohet të rrisim mundësinë e bashkëpunimit mes Grave Ndërmarrëse nga Kosova me biznese dhe profesionistë nga diaspora në Zvicra dhe më gjerë. Të pranishëm në këtë takim do të jenë: Dhjetë (10) Gra Ndërmarrëse nga Kosova nga sektorët e prodhimit dhe përpunimit të ushqimit si  dhe TIK-ut, profesionistë nga diaspora të cilët janë angazhuar si mentorë të tyre, si dhe përfaqësues të komunitetit dhe bizneseve të ndryshme në Zvicër. Gratë ndërmarrëse të cilat do të prezantohen në këtë takim kanë potencial për eksport të produkteve dhe shërbimeve dhe disa prej tyre kanë filluar të eksportojnë në rajon dhe në disa vende të Evropës.

Për të qenë pjesë e këtij takimi, ju ftojmë të regjistroheni në KËTË LINK, pasi që numri i pjesëmarrësve do të jetë i kufizuar.

Për më shumë detaje, bashkëngjitur gjeni agjendën.