Gjermania, Danimarka dhe Suedia, me ekip të përbashkët hetimor për rrjedhjen e gazit

Keystone (AP Photo/Bela Szandelszky)

Gjermania, Danimarka dhe Suedia duan të formojnë një ekip të përbashkët hetimor, i cili do të hetojë rrethanat e incidentit në gazsjellësit Nord Stream 1 dhe 2, tha ministrja e Brendshme gjermane, Nancy Feser, në një intervistë të botuar të shtunën në gazetën Bild am Zontag.

“Të gjitha provat na thonë se ky është sabotim i Rrjedhës së Veriut. Tani ne duam të formojmë një ekip të përbashkët hetimor, në përputhje me normat ligjore të BE-së, në të cilin të tre vendet do të dërgojnë hetuesit e tyre”, tha ministrja Fezer, transmeton TASS.

Ekipi i përbashkët hetimor do të përbëhet nga ekspertë të marinës, policisë dhe shërbimeve të inteligjencës, saktësoi ajo.

Gjithashtu, ministrja konfirmoi se e gjithë flota e policisë gjermane është e përfshirë në patrullimet në Detin Baltik.