Tematike
Qindra zviceranë ndryshojnë gjininë, duke përdorur një proces të thjeshtëzuar
Që nga 1 janari, kushdo që dëshiron të ndryshojë gjininë zyrtare nuk duhet të shkojë më në gjykatë në Zvicër.
Qindra njerëz në Zvicër kanë ndryshuar gjininë e tyre zyrtare që nga prezantimi i një procesi të thjeshtuar të regjistrimit në fillim të vitit. Vetëm në qytetet e mëdha, 350 njerëz e kanë bërë këtë.
Tetëdhjetë persona ndryshuan gjininë në Cyrih, 47 në Bazel, 46 në Bernë, 36 në Gjenevë dhe 19 në Lucern, sipas një sondazhi nga NZZ am Sonntag. Të përfshirët ishin të moshës ndërmjet 12 dhe 75 vjeç, me nëntë persona më të rinj se 16 vjeç. Përqindja e atyre që kaluan nga femra në mashkull ishte pak më e lartë se nga meshkujt në femra, transmeton Albinfo.ch.
Që nga 1 janari kushdo që dëshiron të ndryshojë gjininë zyrtare nuk duhet të shkojë më në gjykatë në Zvicër. Personat transgjinorë dhe interseksualë tani mund të ndryshojnë emrin dhe gjininë e tyre në gjendjen civile pa komplikime burokratike. Nuk ka më asnjë ekzaminim mjekësor apo parakushte të tjera.
Regjistrat e gjendjes civile dhanë një vlerësim paraprak pozitiv për ligjin e ri. “Qëllimi ishte që të mbahen pengesat sa më të ulëta që të jetë e mundur, dhe tani ato janë”, tha Roland Peterhans, president i Shoqatës Zvicerane të Regjistrimit Civil, përcjell Albinfo.ch. “Nëse do të kishte pasur njerëz që dëshironin të ndryshonin gjininë e tyre dhe më pas të ndryshonin përsëri pas tre javësh, ne do të duhej të kalonim nëpër libra. Por ne nuk i kemi pasur këto raste”, tha tutje ai.
Ai gjithashtu nuk ishte në dijeni të ndonjë abuzimi sistematik. “Ne nuk kemi parë asnjë mashkull të ndryshojë gjininë për të dalë në pension më herët ose për të shmangur shërbimin ushtarak”, tha ai. Gratë aktualisht mund të dalin në pension në 64 vjeç në Zvicër, burrat në 65; shërbimi ushtarak është i detyrueshëm për burrat, derisa është fakultativ për gratë.
Peterhans tha se ai ishte marrë personalisht me rreth 30 raste dhe kishte takuar njerëz që ishin regjistruar nën gjininë e gabuar për shumë vite dhe tani ishin të lumtur që mund të merrnin këtë hap.
“Është përparim i jashtëzakonshëm për ta që nuk duhet të ekspozohen më në gjykatë”, tha ai.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?