Mbi 100 mijë vetura kanë hyrë në Kosovë në korrik

Numri i policave të sigurimit të shituara gjatë korrikut të vitit 2021 ka qenë afro 11 mijë më pak se në këtë vit.

Numri i përgjithshëm i automjeteve që kanë hyrë në Kosovë në muajin korrik bazohet në numrin e policave të shitura nga Byroja Kosovare e Sigurimit (BKS).

Nga Byroja Kosovare e Sigurimit kanë treguar se gjatë muajit korrik të këtij viti 132,059 automjete kanë hyrë në Kosovë.

Shefja e Burimeve Njerëzore në BKS, Gëzonjeta Beqiri, ka deklaruar për Insjaderin se për dallim nga vitet e kaluara, gjatë këtij viti kanë hyrë më shumë automjete në vendin tonë.

Numri i policave të sigurimit të shituara gjatë korrikut të vitit 2021 ka qenë afro 11 mijë më pak se në këtë vit. Në korrikun e vitit të kaluar kanë hyrë 121,231 automjete në Kosovë.
Derisa gjatë vitit 2020 shumë bashkatdhetarë nuk kishin mundur të vijnë në Kosovë për shkak të pandemisë COVID-19.
Sipas statistikave të BKS-së, në vitin 2020 janë shitur 28,448 polica të sigurimit.

---