Donis Avdiaj, nga klubi austriak transferohet te kampioni zviceran

Donis Avdijaj është bërë me klub të ri. Futbollisti kosovar e ka ndërruar përsëri mjedisin, duke iu bashkuar klubit zviceran, FC Zürich

Mesfushori shqiptar u largua nga ekipi austriak,TSV Hartberg pas vetëm një viti dhe tash iu bashkua kampionit zviceran, raporton albinfo.at

25 vjeçari do të jetë pjesë e klubit zviceran për një vit, por me mundësi vazhdimi.

Ky është klubi i dhjetë profesionist i përfaqësuesit kosovar në shtetin e shtatë të ndryshëm për ish-futbollistin e Schalkes.

Futbollisti “problematik” do të mundohet ta rikthejë formën e dikurshme dhe të ngritët në karrierë.

Ai e ka falënderuar klubin austriak, Hartberg, tek i cili luajti deri tash, ndërsa prej sot e nis një etapë të re të jetës dhe të karrierës, përcjell albinfo.at

Avdijaj do ta ketë mundësinë të luajë edhe në garat evropiane me klubin e ri, ndërsa aty do ta gjejë një ambient të ngrohte pasi do t’ju bashkohet disa futbollistëve shqiptarë, që janë pjesë e Zürich-ut.

---