Ndryshojnë rregullat për kalimin kufitar Kosovë-Mali i Zi

unsplash

Ministria e Punëve të Jashtme dhe Diasporës ka njoftuar në një publikim në Facebook se të gjithë shtetasit e Republikës së Kosovës, për futje në Mali të Zi, pra edhe fëmijët nën moshën 18-vjeçare, duhet të jenë të pajisur me një dokument të vlefshëm udhëtimi, njofton albinfo.ch.

Sipas njoftimit, Mali i Zi e ka pezulluar vendimin e mëparshëm, në bazë të të cilit fëmijët nën moshën 18-vjeçare nga Republika e Kosovës janë lejuar të kalojnë kufirin vetëm me certifikatë të lindjes.

Vendimi për hyrjen në Malin e Zi të të gjithë shtetasve të Republikës së Kosovës, përfshirë edhe të miturit, vetëm me dokumente të vlefshme udhëtimi, është tashmë në fuqi.