Nuredin Lushtaku dorëzohet në polici

Policia jep detaje për plagosjen e dy policëve në Skenderaj: Gjithçka nisi pas shqiptimit të gjobës

 

Ish-nënkryetari i Skënderajt, Nuredin Lushtaku, para pak minutash është dorëzuar tek organet e rendit.

Lajmin e konfirmoi zëdhënësi i Prokurorisë në Mitrovicë, Valon Preteni.

Pak minuta më parë, Prokuroria në Mitrovicë tha se ndaj Lushtakut ishte lëshuar vendim për ndalimin e tij.

Ekziston dyshimi i bazuar se të dyshuarit F.L., A.L., dhe N.L., me datë 02 korrik, rreth orës 23:45 në Skenderaj, kanë sulmuar dy zyrtarë policorë të Stacionit Policor në Skenderaj me iniciale E.B., dhe M.G., që kanë qenë në detyrë zyrtare dhe gjatë sulmit ka rezultuar me lëndime të zyrtarëve policorë dhe njëri zyrtar policor është goditur me predhë të armës në këmbë.

---