Kosova
Komisioni Evropian: Kosova ka përmbushur kushtet, nuk ka udhërrëfyes të ri për vizat
“Komisioni vazhdon të qëndrojë prapa vlerësimit të tij se Kosova ka përmbushur të gjitha standardet për liberalizimin e vizave..."
Ana Pisonero, zëdhënëse e Komisionarit Evropian për Zgjerim, Oliver Varhelyi ka konfirmuar sot: Nuk do të ketë udhërrëfyes të ri për liberalizimin e vizave për Kosovën.
Ne një përgjigje me shkrim, Pisonero ka sqaruar pohimet e komisionarit Varhelyi, i cili një ditë më parë, shprehu gatishmërinë e Komisionit Evropian, për të përgatitur një udhërrëfyes për çështje specifike, raporton rtklive.com.
“Komisioni vazhdon të qëndrojë prapa vlerësimit të tij të korrikut 2018, se Kosova ka përmbushur të gjitha standardet për liberalizimin e vizave të përcaktuara në Udhërrëfyesin për Liberalizimin e Vizave nga viti 2012, në lidhje me ri-pranimin dhe ri-integrimin, sigurinë e dokumenteve, migrimin dhe menaxhimin e kufijve, rendin dhe sigurinë publike dhe të drejtat themelore. lidhur me lirinë e lëvizjes”, është shprehur Pisonero.
Ajo ka shtuar se vendimi për heqjen e vizave për qytetarët e Kosovës është një vendim i vonuar, dhe tani është në pritje në Këshill të BE-së.
“Ne pranojmë se disa shtete anëtare mbajnë shqetësime në pritje, për çështje të tilla si lufta kundër korrupsionit, pretendimet e rreme për azil dhe siguria e dokumenteve të mbuluara nga udhërrëfyesi”, tha Pisonero.
Zyrtarja e KE-së duke folur në emër të këtij institucioni të BE-së, gjithashtu konfirmoi gatishmërinë që të mbështesë punën dhe bashkëpunimin e mëtejshëm ndërmjet shteteve anëtare dhe autoriteteve të Kosovës për t’i adresuar këto çështje.
Gjithnjë sipas Ana Pisonero, pasi të miratohet liberalizimi i vizave për Kosovën, Komisioni Evropian do të monitorojë më tej zbatimin e vazhdueshëm të kërkesave përmes mekanizmit të pezullimit të vizave dhe procesit të Stabilizim-Asociimit.
Të ngjashme
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri