ATK, trend pozitiv i të hyrave

Brenda pesë muajve mbledh 35 milionë euro

Sot, institucioni i ATK-së, përmes një njoftimi ka bërë të ditur se  ka vazhduar trendin e mbledhjes së të hyrave, duke tejkaluar pritshmëritë edhe në maj.

“Krahas planit për periudhën janar-maj 2022 janë mbledhur 35.6 milionë euro, apo 12.8% më shumë se projeksioni. Këtë ritëm të inkasimit sigurisht e ka mundësuar përkushtimi maksimal i menaxhmentit dhe stafit të ATK-së, duke realizuar shumë aktivitete, të cilat kanë përmirësuar performancen e ATK së, duke u nisur nga inkasimi dhe trajtimi i borxheve, avancimi i vazhdueshëm i shërbimeve ndaj tatimpaguesve dhe qytetareve, si dhe intensifikimi i bashkëpunimeve me institucionet e vendit”, thuhet në njoftim.

Të gjitha këto aktivitete, përveç tejkalimit, kanë dhënë rezultat edhe nëse krahasojmë më periudhën e njëjtë 2021, ku kemi rritje për 70.2 milionë euro, apo 28.9%, ku totali i inkasimit arrin vlerën e 312.7 milionë euro.

ATK po ashtu falënderon të gjithë tatimpaguesit që me vetëdeklarim kanë arritur të kemi një përqindje të konsiderueshme të përmbushjes vullnetare. 

---