Miliarderi zviceran, zyrtarisht pronar i një pjese të ekipit Chelsea FC

Për 5.13 miliardë CHF

Miliarderi i lindur në Bernë, Hansjörg Wyss, do të bëhet zyrtarisht pronar i një pjese të Chelsea FC, informon albinfo.ch.

Pas muajsh spekulimesh pas sanksioneve të vendosura ndaj pronarit të mëparshëm të klubit, Roman Abramovich, shitja te një konsorcium, duke përfshirë Wyss, u finalizua mbrëmë për 4.25 miliardë £ (5.13 miliardë CHF).

Megjithatë, në një intervistë në Neue Zürcher Zeitung, 86-vjeçari Wyss dëshiron të flasë vetëm për filantropinë, dallimet midis Zvicrës dhe SHBA-së (“Njerëzit janë në thelb të njëjtë kudo”), dhe mënyra më e mirë për të promovuar kërkime inovative mjekësore (përmes projekteve ndërdisiplinore).

Përsa i përket futbollit dhe Chelsea-t, ai refuzon të komentojë dhe thjesht minimizon rolin e tij si anëtar i konsorciumit, i cili drejtohet nga biznesmeni amerikan, Todd Boehly. /Albinfo.ch

---