Sektori publik në Kosovë paralajmëron grevë të përgjithshme

Ilustrim

Të gjithë punëtorët e sektorit publik në Kosovë do të mbajnë grevë njëorëshe më 12 maj.

Përveç kësaj greve, Bashkimi i Sindikatave të Pavarura të Kosovës ka vendosur që një javë më pas, më datë 20 maj, të organizojë protestë.

Ata thonë se nuk janë përfillur kërkesat e tyre për 100 euro shtesë çdo muaj deri në miratimin e Ligjit të Pagave.

Sindikalistët kanë njoftuar se pas grevës dhe protestës, nëse nuk përmbushen kërkesat e tyre, do të marrin masa të tjera.