Presidentja e PE-së: BE-ja t’i liberalizojë vizat për Kosovën pa vonesa

Frederic Köberl @internetztube

Sërish, presidentja e Parlamentit Evropian, Roberta Metsola, ka kërkuar nga Këshilli i BE-së që t’i liberalizojë vizat për Kosovën pa vonesa, përcjell albinfo.ch.

Metsola ka biseduar me presidenten Vjosa Osmani dhe ka mirëpritur rreshtimin e Kosovës krah BE-së në vendosjen e sanksioneve ndaj Rusisë dhe Bjellorusisë.

“Me presidenten Vjosa Osmani mirëprita rreshtimin e Kosovës për sanksionet kundër Rusisë dhe Bjellorusisë. Gjithashtu, angazhimin e vërtetë dhe të vazhdueshëm në dialogun Prishtinë-Beograd që është thelbësor për paqen dhe stabilitetin në rajon. Parlamenti Evropian pret nga Këshilli që t’i liberalizojë vizat pa vonesa”, ka shkruar Metsola.