Netflix, abonimi më i shtrenjtë në Zvicër

pixabay

Në një shembull tjetër se sa më e kushtueshme është Zvicra, një abonim standard në shërbimin e transmetimit këtu kushton “dukshëm më shumë” se në shumë vende të tjera, përcjell albinfo.ch.

Një krahasim i tarifave vjetore të abonimit Netflix nga Blick, zbulon se ndërsa ky shërbim kushton 226,80 franga në vit në Zvicër, ai ofrohet për 163,20 franga në Gjermani, Itali dhe Francë; 130.80 në Norvegji dhe 176,40 franga në Shtetet e Bashkuara.

“Në Zvicër, Netflix kushton rreth 70 për qind më shumë se në Norvegji, dhe krahasuar me fqinjët tanë gjermanishtfolës, ne ende paguajmë rreth 40 për qind më shumë”, përfundoi Blick.