Wizz Air me linjë të re fluturimi: Fridrichshafen – Tiranë

Nga 11 prilli do të filloj linja e re e fluturimeve nga Friedrichshafen për në kryeqytetin shqiptar

Wizz Air, kompania ajrore e njohur për çmimet e ultë të biletave po zgjeron rrjetin e saj të fluturimeve, njofton albinfo.at

Tirana është emri i destinacionit të ri të linjës ajrore, e cila nga  11 prilli do të fluturoj dy herë në javë nga Aeroporti Bodensee i Friedrichshafen. Një fluturim prej dy orësh ju çon nga Liqeni i Konstancës në Tiranë, shkruan faqja aviation.direct. Fluturimi niset të hënën dhe të premten në orën 09:35, ndërsa fluturimi i kthimit niset nga Shqipëria në orën 07:00, përcjell albinfo.at. “Jemi të gëzuar me këtë ofertë të re nga Wizz Air dhe jemi të sigurt që jo vetëm shtetasit shqiptarë, por edhe shumë turistë do ta pranojnë këtë ofertë fantastike”, thotë Claus-Dieter Wehr, Drejtor Menaxhues i Bodensee-Airport, Friedrichshafen.

---