Gjermania rekomandon dozën e dytë përforcuese për një kategori të personave

Organi zyrtar i vaksinimit në Gjermani ka rekomanduar dhënien e një vaksine të dytë përforcuese Covid-19 për grupet në rrezik.

Komiteti i Përhershëm i Vaksinimit, ose STIKO, është një panel i pavarur ekspertësh që këshillon qeverinë gjatë pandemisë.

“Personat mbi 70 vjeç, personat në institucionet e kujdesit, personat me mungesë imuniteti dhe punonjësit në institucionet mjekësore dhe të kujdesit shëndetësor duhet të kryejnë dozen e dytë të vaksinës përforcuese mRNA, siç janë Pfizer/BioNTech ose Moderna.

Një projekt-rezolutë u është dërguar ekspertëve të tjerë shëndetësorë dhe shteteve federale për miratim, kështu që ndryshimet në plan janë ende të mundshme, transmeton Dpa, përcjell Albinfo.ch.

Aktualisht, STIKO u bën thirrje personave në rrezik për arsye shëndetësore që të kryejnë dozen e dytë përforcuese sa më shpejt që të jetë tre muaj pas të parit, ndërsa personeli mjekësor dhe i kujdesit në rrezik për shkak të ekspozimit të tyre pas gjashtë muajsh.

Komiteti vuri në dukje të dhënat aktuale që tregojnë se mbrojtja kundër variantit Omicron zvogëlohet brenda pak muajsh pas dozës së parë përforcuese.

---