Danimarka largon Covid nga kategoria e sëmundjeve kritike

Keystone

Raportohet se Qeveria daneze ka vendosur të shfuqizojë të gjitha kufizimet që nga 1 shkurti, duke e hequr po ashtu koronavirusin (COVID-19) nga kategoria e sëmundjeve kritike në aspektin shoqëror, transmeton albinfo.ch.

Kryeministrja Mette Frederiksen tha se duke hequr COVID-19 nga kategoria e sëmundjeve kritike në aspektin shoqëror, kanë vendosur të shfuqizojnë të gjitha kufizimet që nga 1 shkurti dhe për këtë kanë marrë mbështetjen e plotë nga partitë e tjera në Parlament.

Ajo vuri në dukje se aplikimi i pasaportës së vaksinimit do të vazhdojë vetëm për hyrjet në Danimarkë nga jashtë. “Kemi vendosur të heqim të gjitha kufizimet që nga 1 shkurti. Në fund të janarit, në fillim të shkurtit, numri i të infektuarve me COVID-19 do të arrijë kulmin dhe më pas do të ketë ulje”, tha Frederiksen.

Ajo u shpreh se edhe nëse kufizimet mbesin në të kaluarën dhe jeta e përditshme kthehet, autoritetet do të ndjekin të dhënat mbi koronavirusin, duke shtuar se do të aplikohet edhe doza e katërt e vaksinës kundër COVID-19.