Austri: Bllokimi për të pavaksinuarit do të përfundojë të hënën

Samuel-Elias Nadler Avatar of user Samuel-Elias Nadler Samuel-Elias Nadler @mrsamuelelias @mrsamuelelias

Pas më shumë se dy muajsh, bllokimi i Austrisë për personat e pavaksinuar do të përfundojë më 31 janar, njoftoi qeveria të mërkurën, por rregullat e përhapura 2G do të mbeten në fuqi, shkruan the local.at, përcjell albinfo.ch.

Bllokimi i pjesshëm do të thotë që njerëzit pa prova të 2G (vaksinimi i plotë ose rikuperimi i fundit nga Covid-19) lejohen të largohen nga shtëpia vetëm për arsye të veçanta, përfshirë blerjet e ushqimit ose ushtrimet fizike.

Kancelari Karl Nehammer dhe ministri i Shëndetësisë, Wolfgang Mückstein, konfirmuan të mërkurën se bllokimi do të përfundonte javën e ardhshme.  Nehammer përsëriti se sjellja e masës kishte qenë “e pashmangshme për arsye të politikave shëndetësore”, por tha se pas konsultimit me komitetin e krizës, qeveria kishte vendosur që nuk kishte më një rrezik të menjëhershëm të mbingarkesës së kapaciteteve të kujdesit intensiv, përcjell tutje albinfo.ch.