Gjermania regjistron për herë të parë mbi 100 mijë raste të reja me Covid-19

Gjermania regjistron rekord të infektuarish me COVID-19

Raportohet se Gjermania ka regjistruar mbi 100,000 raste të reja me koronavirus, për herë të parë prej shpërthimit të pandemisë, njofton albinfo.ch.

Të dhënat nga Instituti Robert Koch të mërkurën kanë treguar se 112,323 raste të reja janë regjistruar në 24 orë.

Mesatarja e shtatë ditëve të fundit tregon se 584 persona janë infektuar për 100,000 banorë në këtë shtet.

Në gjithë Gjermaninë është raportuar për 239 viktima me koronavirus në periudhë njëditore.

Sipas Institutit Robert Koch, Gjermania ka regjistruar mbi 8 milionë raste të infektimit me koronavirus, prej shpërthimit të pandemisë.

Shifra e vërtetë besohet se është shumë më e lartë, pasi shumë infektime nuk janë identifikuar.

Deri të martën është raportuar për 3.17 shtrirje në spital në 100,000 persona.

---