Lajme
Zvicra, shteti i dytë si investitori më i madh në Kosovë
Zvicra investoi në Kosovë mbi 600 milionë CHF, ose 18.3% të të gjitha investimeve të huaja në Kosovë.
Zvicra është ndër shtetet që ka investuar më së shumti në Kosovë, shkruan albinfo.ch.
Rrjedhimisht në vitin 2020 Zvicra ishte vendi i dytë si investitori më i madh në Kosovë, ku shumë firma të huaja investuan në vend.
“Në vitin 2020 Zvicra u bë investitori i dytë më i madh i huaj në Kosovë (pas Gjermanisë dhe para Turqisë). Edhe pse shuma e përgjithshme e investimeve me 600 milionë CHF është relativisht modeste, ajo përbën 18.3% të të gjitha investimeve të huaja në Kosovë”, shprehet ambasadori i Zvicrës, Thomas Kolly, për albinfo.ch.
Si shumica e vendeve në zhvillim, edhe Kosova ofron mundësi interesante, por edhe rreziqe potenciale për investitorët e huaj.
“Zvicra është partneri i tretë më i madh zhvillimor bilateral i Kosovës dhe, ndër të tjera, përkrah përpjekjet e qeverisë për ta përmirësuar klimën e investimeve. Falë mbështetjes zvicerane u miratua një normë ligjore më miqësore ndaj investimeve, si dhe u hapën më shumë One-Stop-Shop dhe shërbime online. Është më se e natyrshme që institucionet kosovare mbajnë përgjegjësinë kryesore për përmirësimin e sigurisë juridike dhe stabilitetit politik, të cilat janë vendimtare për çdo investitor. Rivendosja e negociatave për një marrëveshje të tregtisë së lirë ndërmjet Kosovës dhe shteteve të EFTA-s është gjithashtu një shenjë inkurajuese për zhvillimin e marrëdhënieve tona ekonomike dypalëshe”, tha Ambasadori Kolly në një intervistë për albinfo.ch.
Të ngjashme
Opinione tjera
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998