Maqedonia e Veriut: Tetë viktima nga koronavirusi

KEYSTONE/EPA/GEORGI LICOVSKI

Maqedonia e Veriut ka regjistruar 335 raste të reja me koronavirus nga 3.543 testimet e bëra. Ministria e Shëndetësisë informoi se në 24 orët e fundit tetë pacientë me koronavirus kanë ndërruar jetë, ndërsa 515 të tjerë janë shëruar.

Gjithashtu, sipas regjistrit të personave të vdekur me diagnozë Covid-19 nga Termini im, janë regjistruar edhe pesë persona që kanë ndërruar jetë në periudhën prej 26.11 – 16.12.2021.

Numri i përgjithshëm i personave të diagnostikuar me Covid-19 në vend që nga fillimi i pandemisë ka shkuar në 221.744, numri i pacientëve të shëruar në 208.724, i të vdekurve në 7.838, dhe momentalisht ka 5.182 raste aktive.