Kosova
Majlinda Kelmendi, me lot në sy, përmbyll karrierën: Kosova ka qenë frymëzimi im
Majlinda Kelmendi, xhudistja kosovare e cila bëri histori me përfaqësimin e Kosovës në garat ndërkombëtare të xhudos, sot edhe zyrtarisht përmbylli karrierën e saj si sportiste aktive për të vazhduar atë si trajnere
Në një ceremoni të organizuar për këtë rast, kampionia olimpike e Kosovës nuk arriti të mbajë lotët, derisa me emocione falënderoi të gjithë ata që e përkrahën atë në rrugëtimin e saj. Natyrisht se përveç familjes së saj, pjesën kryesore të meritave dhe arritjeve ia dedikoi trajnerit Driton Kuka.
“Shumë njerëz nuk e kuptojnë pse Toni është i lidhur aq emocionalisht me mu edhe me karrierën teme. Më lejoni t’ju tregoj që unë kam fillu me ushtru xhudo në moshën 8 vjeçare edhe prej fillimit e deri më sot, Toni ka qenë trajneri jem. Ka qenë Toni bashkë me familjen Kuka, Sylën edhe Agronin, të cilët i kanë pagu të gjitha shpenzimet për garat edhe për përgatitjet, jo veç për mu, po për krejt ekipin”, u shpreh Majlinda.
Ajo shtoi tutje se tani dijen dhe përvojën e saj do ta përcjell tek gjeneratat e reja, pas pensionimit si sportiste aktive.
“Një falënderim shumë shumë për vendin tim, për popullin tim, që keni qenë frymëzimi im. Ka qenë nder dhe privilegj shumë i madh për mua ta përfaqësoj Kosovën”, tha ajo.
Në këtë ceremoni zyrtare, presidentja e Kosovës, Vjosa Osmani, dekoroi kampionen olimpike të Kosovës me urdhrin “Shotë Galica”.
Presidentja Osmani shprehu mirënjohjen më të përzemërt për kampionen e shumëfishtë në xhudo.
“Ëndrrën e nisur prej moshës 8 vjeçe, Majlinda e përmbushi duke fituar çdo titull. Ajo nuk u josh që të vesh uniformën e ndonjë shteti tjetër, por luftoi për ngjyrat e shtetit të Kosovës”, theksoi presidentja.
Kurse trajneri i Majlindës, Driton Kuka, foli për përvojën dhe ndjenjat që ka kaluar së bashku me Majlindën.
“Më krenove mua, krenove familjen, krenove një Komb, Majlindë. Kënaqësi kur Majlinda ka pushtuar Rusinë, Brazilin dhe vende tjera që nuk e kanë pranuar realitetin e quajtur Kosovë. Të jam mirënjohës deri në frymën e fundit, Majlindë”, u shpreh Driton Kuka.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?