Kosovarët, me rritjen më të madhe në themelimin e kompanive të reja

“Ata janë më të motivuar për të bërë diçka të tyren. Zviceranët preferojnë të punojnë për kompani të mëdha”, vlerëson Platform-Startups.ch

Pavarësisht pandemisë, në vitin 2020 në Zvicër janë themeluar një numër jashtëzakonisht i madh kompanish, transmeton albinfo.ch. Rezultati shanse  të tejkalohet përsëri këtë vit – me katër deri në pesë për qind.

Në Zvicrën Lindore, numri i bizneseve të reja është rritur edhe më shumë.

Kur u vendosën kufizimet dhe bllokimi pas fillimit të pandemisë së koronës, falimentimet pritej vetëm të rriteshin. Por, ka ndodhur e kundërta. Zviceranët kanë themeluar pothuajse 47,000 kompani  gjatë vitit 2020, raporton platforma e sipërmarrësve të rinj Startups.ch.

Dhe trendi vazhdon edhe në vitin 2021. Nëse gjërat vazhdojnë si më parë,  në regjistrin komercial zviceran deri në fund të vitit do të regjistrohen 50,000 kompani të reja, vlerëson Platform-Startups.ch.

Megjithatë, pandemia vazhdon të krijojë pasiguri

Sipas platformës, pritet një rritje prej katër deri në pesë për qind në të gjithë Zvicrën, thotë CEO i Startups.ch, Michele Blasucci. Pandemia që po vazhdon dhe çdo shtrëngim i masave i bën këto parashikime shumë të pasigurta, thotë ai, transmeton albinfo.ch.

Megjithatë, trendi pozitiv tashmë mund të shihet në krahasimin e 11 muajve të parë. kur pati një rritje të konsiderueshme në bizneset e themeluara, veçanërisht në Zvicrën perëndimore (+ 8%) dhe Zvicrën qendrore (+ 10%). Kjo dallohet kantoni i Zug si një vend për themelime firmash financiare dhe kripto.

Por, edhe në Zvicrën Lindore ka pasur shumë veta që kanë guxuar të themelojnë në sipërmarrje në 11 muajt e fundit, shkruan tagblatt.ch. Nëse përfshijmë kantonet si Graubünden, Glarus dhe Schaffhausen, 5554 kompani janë themeluar tashmë në Zvicrën lindore këtë vit, 8,1 për qind më shumë se në nëntor të vitit 2020.

Në kantonin St.Gallen, vlera është rritur për 11,7 për qind ndërsa  në Thurgau për 7, 6 për qind, përcjell albinfo.ch. Në Ausserrhoden, nga ana tjetër, numri i bizneseve fillestare ka rënë pak (-3%). Por në Innerrhoden rënia ka qenë rekorde: 23.4 për qind.

Një prirje që po shënohet edhe në nivel kombëtar ishte veçanërisht e dukshme në Zvicrën lindore: Zejtarët nga fusha e ndërtimit, si bojaxhinjtë, suvatuesit dhe shtruesit e dyshemesë, paraqiten veçanërisht të shpeshtë si të vetëpunësuar.

“Duke qenë se njerëzit tani janë më shumë në shtëpi, ata duan të bëjnë një ndryshim,” thotë Blasucci.
“Dhe duke qenë se  normat e interesit të hipotekës janë të ulëta, kjo jo vetëm që çon në aktivitete të reja ndërtimi, por edhe në shtim të rinovimeve”.
Menaxherët e patundshmërive gjithashtu duan të përfitojnë nga ky trend, transmeton albinfo.ch. Nga ana tjetër, start-up-et në sektorët e medias dhe marketingut kanë pësuar rënie.

Ndërmarrësia po bëhet më e re dhe “më femërore”

Në të njëjtën kohë, po ndryshon edhe profili i themeluesve: në vitin 2021, pothuajse 27 për qind e kompanive fillestare janë themeluar nga gra, në vitin 2020 shifra ishte 23.9 për qind. “Shumë gra zgjedhin vetëpunësimin si një mënyrë për të qenë në gjendje të punojnë në mënyrë më fleksibile”, thotë Blasucci. Veçanërisht të rinjtë po kërkojnë mundësi fleksibiliteti sa i takon fitimit. Numri është rritur më shumë në grupmoshën nga 18 në 22 vjeç. Kjo përfshinte studentët që tregtojnë kriptomonedha ose bizneset fillestare në sektorin e IT.

Edhe një herë, në themelimin e bizneseve të reja kishte një përqindje të lartë të komuniteteve me prejardhje të huaj. Rritjen më të lartë e kanë shënuar themeluesit e filmave që janë njerëz me prejardhje nga Kosova. “Ata janë më të motivuar për të bërë diçka të tyren. Zviceranët preferojnë të punojnë për kompani të mëdha”, thotë Blasucci.

---