Zvicër: A mund të nevojitet doza e katërt e vaksinës kundër Omicron?

(KEYSTONE/Peter Klaunzer)

Epidemiologët zviceranë thonë se vaksina e katërt “përforcuese” nuk është jashtë pyetjes për të menaxhuar mutacionin Omicron.

Ndërsa nuk dihet shumë për llojin në këtë kohë – për shembull, sa infektiv ose i rrezikshëm është – disa ekspertë besojnë se doza e katërt mund të bëhet e nevojshme.

Lajmi i mirë është se vaksinat aktuale të tipit mRNA si Pfizer dhe Moderna “mund të përshtaten shpejt për të mbrojtur kundër varianteve të reja”, tha specialisti i sëmundjeve infektive Christian Garzoni, përcjell albinfo.ch.

Megjithatë, sipas Emma Hodcroft, eksperte e epidemiologjisë në Universitetin e Bernës, “do të jetë e nevojshme të sigurohet që vaksinat aktuale të mbrojnë kundër variantit të ri përpara se të merret në konsideratë një dozë e katërt”.