Lajme
Kundërshtari i njohur zviceran i vaksinimit, në gjendje kome nga Covidi
Teoricieni i konspiracionit kishte përhapur pretendimin e rremë se koronavirusi nuk ishte më i keq se gripi. Ai nuk kishte pranuar të vaksinohej
![](https://www.albinfo.at/wp-content/uploads/2021/08/432320613_socialmedia.jpg)
Kundërshtari i njohur zviceran i vaksinimit dhe mbështetësi i teorive të konspiracionit, François de Siebenthal ndodhet në kujdes intensiv për shkak të Covid-it. Këtë e ka raportuar një i afërm për mediat në Zvicrën perëndimore.
Politikani frëngjisht-folës François de Siebenthal mbase nuk është shumë i njohur në Zvicrën gjermanishtfolëse. Por, në atë frankofone, ai është mjaft më i njohur. Me profesion ekonomist, de Siebenthal konsiderohet si “spiritualist” dhe muajt e fundit është paraqitur si një kundërshtar radikal i vaksinimeve dhe kritik i politikës së Qeverisë Federale për koronën.
Siç shkruajnë “24 heures” dhe “RTS”, i përmenduri aktualisht ndodhet në gjendje kome. Familjarët e tij e kanë konfirmuar këtë për programin radiofonik “Mise au Point”, transmeton albinfo.ch. Ai aktualisht ndodhet në terapi intensive dhe është futur në koma në lidhje me një sëmundje Covid 19.
“François është ende në kujdes intensiv në një hapësirë të re të spitalit për Covid, shkruan watson.ch. Ai është në gjendje kome artificiale, por prognozat janë optimiste”, citohet të ketë thënë i afërmi. Raportime të mëtejshme për shëndetin e tij po qarkullojnë edhe në kanalet e telegramit frëngjisht, si në grupin “1291”.
Si kritik i politikës federale, teoricieni i konspiracionit kishte përhapur pretendimin e rremë se koronavirusi nuk ishte më i keq se gripi. Ai gjithashtu ka refuzuar vaksinimin.
Ekonomisti, bankieri dhe shkencëtari kompjuterik ishte konsull i Filipineve në Lozanë. Ai vjen nga një familje e vjetër zvicerane për të cilën ai pretendon se u ka mbijetuar “komploteve” të shumta. Në vitin 2020 ai provoi një “grusht shteti” politik, duke lansuar referendumin e pasuksesshëm kundër aplikacionit zviceran Covid, përcjell albinfo.ch. Po ashtur, vitin e kaluar ai bëri thirrje për një rishikim total të Kushtetutës Federale të Zvicrës për të bërë të mundur shpërndarjen e Asamblesë Federale në mes të pandemisë.
E-Diaspora
-
Shënohet Dita ndërkombëtare e remitencave, Kosova ka rritje ndër vite Dita ndërkombëtare e remitencave u shpall unanimisht nga të gjitha 176 shtetet anëtare të Fondit Ndërkombëtar...
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë