Kosova
Kurti takon Pamela RendiWagner, kryetare e Partisë Socialdemokrate të Austrisë
Kryeministri i Republikës së Kosovës, AlbinKurti, gjatë qëndrimit në Vjenë ka takuar Pamela Rendi Wagner, Kryetare e Partisë Socialdemokrate të Austrisë.
Duke e falënderuar për ndihmën e dhënë gjatë luftës në Kosovë, kryeministri Kurti tha se Austria ishte rreze shprese për ne gjatë okupimit dhe apartheidit si dhe ndër shtetet e para që e njohu pavarësinë e Kosovës dhe hapi ambasadë në Prishtinë.
U bisedua për situatën dhe menaxhimin me pandeminë. Kryeministri theksoi se përkundër faktit që kemi filluar me vonesë vaksinimin nuk kemi marrë vaksina nga Kina apo Rusia, por vetëm ato të certifikuara nga FDA dhe EMA dhe tani jemi në krye të Ballkanit Perëndimor.
Deri tani me një dozë janë vaksinuar mbi 64 për qind e popullatës së planifikuar për vaksinim, ndërsa me të dyja dozat janë vaksinuar mbi 56 për qind.
Pamela Rendi Wagner u interesua për reformat që ka nisur qeveria dhe për mënyrat se si do të mund të ndihmonte Austria.
Kryeministri tha se të hyrat tatimore janë rritur për një të tretën, sepse qytetarët tani kanë besim më të madh meqë nuk ka korrupsion te qeveria, si dhe janë më optimistë prandaj edhe shpenzojnë më shumë. E gjithë kjo pa i ndryshuar politikat fiskale, shtoi ai.
Për masat e ndërmarra kundër krimit dhe korrupsionit, kryeministri Kurti theksoi se gjatë këtij viti policia ka realizuar rreth 500 operacione e rreth 900 bastisje dhe ka shkatërruar 41 grupe kriminale. Nuk do të lejojmë asnjë individ apo grup të jetë më i fortë sesa shteti ligjor, tha ai.
Arsimi dhe trajnimi dual ishte tema tjetër e bisedës. Kryeministri theksoi se jemi të fokusuar që t’u ofrojmë të rinjve perspektivë dhe që arsimimi i tyre në të ardhmen të jetë në përputhje me karrierën dhe punën që duan të bëjnë. Kryeministri potencoi nevojën për aplikimin e sistemit dual të arsimimit që e aplikon Austria.
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik