Bujar Osmani: Viktimat janë kryesisht shqiptarë që shkuan për fundjavë në Turqi

Në këtë aksident kanë vdekur 46 persona, prej të cilëve 12 fëmijë

Nga deklarata e Ministrit të Punëve të Jashtme, Bujar Osmani mësohet se turistët e aksidentuar në Bullgari, janë kryesisht shqiptarë.

Ai ka bërë të ditur se udhëtarët kanë shfrytëzuar fundjavën e zgjatur që ka vlejtur vetëm për shqiptarët në Maqedoninë e Veriut, pasi 22 Nëntori – Dita e Alfabetit Shqip është ditë jo pune për komunitetin shqiptar. “Disa informacione të paverifikuara thonë se ka pasur mbi 10 fëmijë që kanë vdekur dhe të tjerët janë çifte të reja që kanë qenë për fundjavën e zgjatur që e kemi pasur në Maqedoninë e Veriut pasi të hënën nuk punohej, ishte dita e Alfabetit Shqip dhe qytetarët fundjavën e zgjatur e kanë shfrytëzuar që të mund të lëvizin”, tha Osmani para mediave bullgare, transmeton TV21.

Përndryshe sot në Bullgari është rrokullisur dhe ka marrë flakë një autobus nga Shkupi, me udhëtarë shtetas nga Maqedonia e Veriut që kanë qenë për ekskursion në Turqi, përcjell albinfo.ch.

Në këtë aksident kanë vdekur 46 persona, prej të cilëve 12 fëmijë dhe 7 persona të tjerë janë lënduar, mes të cilëve edhe një 7-vjeçare.

---