Lajme
Gjermania paralajmëron personat që ende nuk janë vaksinuar
Tashmë dihet se numri i infektimeve në Gjermani ka kaluar shifrën prej 50.000 në ditë.
Nga situata e krijuar, kancelarja e Gjermanisë, Angela Merkel, paralajmëron personat që nuk janë vaksinuar.
Gjendja me pandeminë është acaruar shumë javët e fundit në Gjermani. Janë rritur mbi 50.000 shifrat e infektimeve ditore, ndërsa rreth 250 kanë vdekur brenda 24 orësh. E numri i personave që nuk duan të vaksinohen edhe më tej është rreth 30%. Kancelarja në detyrë, Angela Merkel, tha se personat që nuk janë vaksinuar duhet të kuptojnë se ata duhet të kujdesen edhe për shëndetin e të tjerëve dhe jo vetëm për veten.
Gjatë fjalimit në një samit për biznes, e ftuar nga kryeministrja e Zelandës së Re, Jacinda Ardern, Angela Merkel tha se është detyrë e politikanëve që t’i krijojnë mundësitë për ndërhyrje serioze, duke qenë të sinqertë me publikun.
“Duhet ta bëjmë të qartë se unë e kam të drejtën për t’u vaksinuar dhe ky është fat i madh, arritje e madhe e shkencës dhe teknologjisë, por unë gjithashtu kam një obligim të qartë për të kontribuuar në mbrojtjen e shoqërisë”, theksoi kancelarja në detyrë.
Merkeli tha se sfidat e pandemisë dhe të ndryshimeve klimatike janë të ngjashme, sepse ato të dyja janë procese eksponenciale, ashpërsia e të cilave është vështirë të njihet në fillimin e rritjes.
“Kur e shihni fillimin e një rritjeje eksponenciale, filloni të veproni menjëherë dhe të kuptuarit e rritjes eksponenciale nuk është i përhapur shumë në shoqëritë tona”, nënvizoi Angela Merkel.
“Kjo është arsyeja pse ne gjithashtu kemi qenë aq të pashqetësuar për ndryshimet klimatike, që gjithashtu kanë rritje eksponenciale dhe ne duhet të veprojmë me kohë, kur nuk është aspak e dukshme se si do të rriten numrat”, tha Merkel.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?