Gjermanët, të shqetësuar pas rritjes së infektimeve me Covid-19

Keystone - @katetrifo

Një numër në rritje i gjermanëve e shohin shëndetin e tyre në rrezik për shkak të një rritjeje të konsiderueshme të infeksioneve të reja, sipas një sondazhi të kryer për transmetuesin publik gjerman ZDF.

”Ndërsa 31 për qind u ndjenë kështu në fillim të tetorit, shifra tani është rritur në 47 për qind”, sipas Politbarometrit ZDF, ndërsa 51 për qind nuk shohin asnjë rrezik.

Një shumicë e qartë prej 59% e të anketuarve besojnë se masat aktuale të koronavirusit janë “të drejta” dhe kjo pasqyron një rënie prej pesë pikë përqindjeje nga fillimi i tetorit.

Një total prej 18%, më pak me tre pikë përqindje, besojnë se janë të tepërta dhe 20%, me shtatë pikë përqindje, mbështesin masa më të ashpra.

Në rast të një rritjeje të mëtejshme të mprehtë të infeksioneve me koronavirus, 32% janë ende në favor të kufizimeve më të rrepta në jetën publike për të gjithë njerëzit, 43% i duan ato vetëm për personat e pavaksinuar dhe 22% janë përgjithësisht kundër rregullave më të rrepta.