Kosovë: Borxhi publik ka arritur në 1.5 miliardë euro

@pixabay

Kosova ka shënuar 5.5 për qind rënie ekonomike gjatë vitit 2020 derisa borxhi publik është rritur në 1.5 miliardë euro.

Këtë e ka konfirmuar Guvernatori i Bankës Qendrore të Kosovës, Fehmi Mehmeti, i cili raportoi para Komisionit parlamentar për buxhet.

Sipas tij, pandemia ka ndikuar që të ketë rënie ekonomike dhe të rritet borxhi publik.

Por sipas tij, aktiviteti ekonomik në gjysmëvitin e parë të vitit 2021 ka qenë 10.1 për qind më i lartë se viti paraprak.