Shkarkohet nga detyra drejtori i gazetës ‘Bild’

Drejtori i gazetës së mirënjohur gjermane “Bild”, Julian Reichelt, u pushua nga puna, për shkak të një marrëdhënieje intime të krijuar në redaksinë e gazetës më të njohur në vend.

Lajmi u dha nga grupi i shtypit Axel Springer, sipas të cilit Reichelt nuk mund të ndante qartë profesionistin nga sfera private.

Historia që çoi në ndryshimin e drejtimit të gazetës, është shumë më komplekse. Në pranverë, kishte filluar një procedurë e brendshme për akuzat në lidhje me dyshimet për abuzim me pushtetin, zbuluar nga një hetim i Spiegel, në lidhje me marrëdhëniet konsensuale me punonjësit dhe përdorimin e drogës në vendin e punës. 41-vjeçari kishte një shans të dytë dhe pas një pushimi të shkurtër u kthye në krye të tabloidit. Por tani, skandali është rindezur nga publikimi në New York Times i një artikulli të titulluar “Seksi, gënjeshtra dhe një pagesë e fshehtë”, transmeton Cnn, përcjell Albinfo.ch.

“Si pjesë e hetimeve të fundit të shtypit, dëshmi të reja të sjelljes së keqe të Julian Reichelt kanë ardhur në vëmendjen e kompanisë”, shkroi grupi në një deklaratë. Gazetari 41-vjeçar në krye të redaksisë së gazetës ishte subjekt i një hetimi të brendshëm në pranverë, veçanërisht i dyshuar se kishte promovuar gra me të cilat kishte marrëdhënie, para se t’i pushonte nga puna. Ai ishte rikthyer në detyrat e tij në fund të marsit, këtë herë i shoqëruar me një reporter. Ai kishte “pranuar përzierjen e marrëdhënieve profesionale dhe private, por mohoi çdo ngacmim nën betim”, thuhet në deklaratën e shtypit.

Por menaxhmenti i Axel Springer tha të hënën se kuptoi që Julian Reichelt ende nuk i ndan qartë çështjet private dhe profesionale dhe se ai ka thënë gjëra të rreme për këtë para bordit të drejtorëve.