Kosova
U gjetën të vdekur në saunë katër turistë rusë në Shqipëri
Katër turistët rusë humbën jetën një natë më parë teksa po relaksoheshin në saunat e një hoteli në Qerret të Kavajës.
Viktimat ishin të afërm me njëri-tjetrin. Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç dhe Ekaterina Burenkova, 31 vjeçe u gjetën pa jetë nga një punonjëse e personelit, recepsionistja e hotelit, ku ishte akomoduar grupi i shtetasve rusë.
Paraprakisht bëhet e ditur se tri nga viktimat kanë lidhje gjaku mes tyre, prindërit me vajzën dhe partneri i saj. Së bashku ata po shfrytëzonin saunën e hotelit për t’u relaksuar, por qëndrimi për një kohë më të gjatë dhe në temperatura të larta dyshohet t’u ketë shkaktuar vdekjen. Ky është dyshimi kryesor, por do të jetë ekspertiza mjeko-ligjore si dhe vlerësimi i kushteve termike dhe teknike brenda saunës.
Mbetet i dyshimtë mosveprimi i viktimave në kushtet kur kanë nisur të ndjehen keq, ndërkohë që një nga rregullat e sigurisë është mosfrekuentimi vetëm i saunave për të pasur asistencë në rast nevoje. Konsumimi i alkoolit mund të jetë një arsye për reagimin e munguar, apo një gjendje tjetër ende e pashpjeguar ka ndikuar duke çuar në vdekjen e tyre.
Niveli i temperaturës në sauna, si dhe kushtet e funksionimit të saj po hetohen gjithashtu nga grupi hetimor, ndërkohë që burime policore lokale bëjnë me dije se priten edhe ndalime për shkak të neglizhencës së personelit në kujdesin ndaj klientëve që frekuentojnë ambientet e Spa-së, konkretisht saunës.
Deri më tani personeli është marrë në pyetje për të hedhur më shumë dritë mbi rrethanat që çuan në vdekjen e 4 shtetasve rusë.
Edhe mediat e Moskës shkruajnë për vdekjen e 4 turistëve rusë në Shqipëri
Vdekja e 4 turistëve rusë në Shqipëri është raportuar edhe në mediat e vendit të tyre. Shtypi i Moskës ka shkruar për vdekjen e bashkëshortëve Natali dhe Sergei Burenkova, 58 dhe 60 vjeç, vajzës së tyre Ekaterina 31 vjeçe dhe bashkëshortit të saj, Nikita Belousov, 37 vjeç.
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri