Lajme
OBSH: Covid-19 ndikoi në vdekjen e më shumë njerëzve nga tuberkulozi
Ndërprerja e shërbimeve shëndetësore për shkak të COVID-19 ka fshirë vite të tëra përparim në luftën kundër tuberkulozit, me vdekjet në rritje për herë të parë në më shumë se dhjetë vjet, paralajmëroi sot OBSH.
Në raportin e saj vjetor për tuberkulozin për vitin 2020, OBSH vë në dukje se situata është larg përmirësimit, sepse një numër në rritje i njerëzve nuk e dinë se vuajnë nga sëmundja, që mund të trajtohet dhe shërohet, raporton Afp, përcjell Albinfo.ch.
OBSH vlerëson se rreth 4,1 milionë njerëz kanë tuberkuloz, por nuk janë diagnostikuar ose nuk janë deklaruar zyrtarisht, një shifër kjo shumë e lartë në krahasim me 2,9 milionët e vitit 2019.
Tuberkulozi është një sëmundje e shkaktuar nga bacili i tuberkulozit, që prek më së shpeshti mushkëritë.
Sipas raportit, vitin e kaluar pati 214 000 vdekje nga tuberkulozi, midis atyre të sëmurë me HIV (nga 209 000 në 2019) dhe 1,3 milionë vdekje nga tuberkulozi midis njerëzve të tjerë (nga 1,2 milionë në 2019).
“Kjo do të thotë një total prej rreth 1,5 milionë vdekjesh, një situatë që e kthen botën sërish në 2017-n”, theksoi OBSH.
“Ky raport konfirmon frikën tonë se ndërprerja e shërbimeve thelbësore shëndetësore për shkak të pandemisë mund të fillojë të zhbëjë vite përparim kundër tuberkulozit”, tha Dr. Tedros Adhanom Ghebreyesus, Drejtor i Përgjithshëm i OBSH-së.
Ky është një lajm alarmues që duhet të shërbejë si një thirrje globale zgjimi për nevojën urgjente për të investuar dhe për risi, me qëllim mbylljen e boshllëqeve në diagnostikim, trajtim dhe kujdes për miliona persona.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?