Tesla hap fabrikën edhe në Gjermani

Ka rritje të konkurrencës mes kompanive gjermane dhe Tesla-s

Mësohet se hapja e planifikuar e fabrikës së parë të Teslas në Evropë më vonë këtë vit do të detyrojë industrinë vendase të rrisë lojën e saj, ka thënë shefi ekzekutiv i Volkswagen, Herbert Diess, përcjell albinfo.ch.

Komentet e Diess, të bëra në Twitter, vijnë ndërsa Tesla vazhdon punën në fabrikën e saj në Gruenheide, pranë Berlinit, pasi pret miratimin përfundimtar të ndërtesës për sitin prej 5.8 miliardë eurosh.

“Efikasiteti është çelësi për transformimin e industrisë gjermane. Tesla zhvillohet në procese më të shkurtra, punon më afër me më të mirët në industri dhe merr më shumë rrezik”, deklaroi Diess, një admirues i njohur i pionierit të veturave elektrike të udhëhequr nga Elon Musk.

Volkswagen, me qendër në Wolfsburg, prodhuesi më i madh i veturave në Evropë, synon të tejkalojë Teslan si shitësi më i madh në botë i veturave elektrike deri në vitin 2025, një pretendim që nënvizohet nga një plan ambicioz për të ndërtuar gjashtë fabrika të mëdha të baterive në Evropë deri në vitin 2030.

“Gruenheide do të rrisë konkurrencën në Gjermani – gjithashtu në Wolfsburg”, shtoi ai.

---