Parlamenti zviceran i heq qeverisë të drejtën për eksporte të armëve

Pas Dhomës së Kantoneve,  edhe Dhoma Nacionale, çuditërisht fshiu klauzolën e përjashtimit të qeverisë, si të autorizuar për eksportet e armëve

Iniciatorët tërheqin nismën e tyre popullore “Kundër eksportit të armëve në vendet e luftës civile”. Arsyeja për këtë është se Dhoma Nacionale e Parlamentit të Zvicrës ka fshirë gjithashtu klauzolën e përjashtimit që ishte menduar për Këshillin Federal.
Tani, të dy dhomat e Parlamentit rekomandojnë kundërpropozimin, raporton srf.ch.

“Sot është një ditë e madhe për një politikë të besueshme paqësore zvicerane”, njoftoi aleanca kundër eksportit të armëve në vendet e luftës civile pas vendimit të Dhomës Nacionale të parlamentit, transmeton albinfo.ch. “Meqenëse kundërpropozimi është një kompromis i mirë, Aleanca po tërhiqet nga synimi për referendum”.

Pas Dhomës së Kantoneve,  edhe Dhoma Nacionale, çuditërisht fshiu klauzolën e përjashtimit të Këshillit Federal (qeverisë) si të autorizuar të vetme për eksportet e armëve. Këshilli Federal nuk do të jetë më në gjendje të miratojë eksportet më vete.

Kështu, të dy dhomat e parlamentit në masë të madhe po përmbushin kërkesat e autorëve të nismës korrigjuese.

Vendimi në Dhomën Nacionale u mor me 96 vota kundër, 91 Pro dhe 6 abstenime, përcjell albinfo.ch. Në votimin e përgjithshëm, kundër-propozimi u miratua me 110 vota pro, 76 kundër dhe 6 abstenime.

Ai hodhi poshtë nismën popullore “kundër eksportit të armëve në vendet me luftë civile” me 105 vota kundër 88. çështja tani është gati për votimin përfundimtar.

---