Vuçiq: Do të prodhojmë vaksina ruse e kineze

Kështu ka deklaruar presidenti i Serbisë, Aleksandër Vuçiq, gjatë një interviste për gazetën austriake “Kleine Zeitung”

Sipas Vuçiqit, ditët në vijim në Serbi do të hedhet gurthemeli i një fabrike, e cila do të prodhojë vaksina kineze.

“Brenda pak ditësh ne do të vendosim gurthemelin e një fabrike krejtësisht të re që do të prodhojë vaksinën kineze anti-COVID-19. Ne tashmë po prodhojmë një komponent të parë të vaksinës ruse Sputnik V dhe gjithashtu jemi duke punuar për ta prodhuar komponentit e dytë të po kësaj vaksine”, ka thënë Vuçiq.

Ai ka folur edhe për skepticizmin e qytetarëve për t’u vaksinuar, duke thënë se kjo dukuri është pa dyshim një problem universal.

“Unë vërtet nuk e kuptoj pse është kështu. Por teoritë e komplotit dhe mesazhet negative pa dyshim që gjithmonë përhapen më shpejt sesa ato pozitive. Rrjetet sociale gjithashtu luajnë një rol këtu, dhe fakti që njerëzit gjithashtu e shohin lirinë e tyre në qëndrime të paarsyeshme”, ka thënë ai.

 

---