Lajme
Rriten rastet e diskriminimit racist në Zvicër
Rritja konstatohet veçanërisht në mesin e të rinjve, siç tregon raporti i monitorimit 2019/2020 i Zyrës për Luftimin e Racizmit
Në dy vitet e fundit, rastet e raportuara të diskriminimit racist janë rritur sërish. Të nxitura edhe nga pandemia Covid-19, shumë teori konspirative antisemitike po qarkullojnë në internet.
Rritja konstatohet veçanërisht në mesin e të rinjve, siç tregon raporti i monitorimit 2019/2020 i Zyrës për Luftimin e Racizmit, i botuar të martën, shkruan sda.ch.
40 për qind e 15 deri në 24 vjeçarëve kanë përjetuar tashmë raste diskriminimi në pesë vitet e fundit. Kjo është për dy pikë përqindjeje më shumë se në sondazhin e fundit, transmeton albinfo.ch.
Ndërkaq, midis moshave 25 deri 39 vjeç është 39 për qind (+4 pikë përqindje) dhe në mesin e 40 deri 54 vjeçarëve përqindja e të prekurve rritet në 30 për qind (+6 pikë përqindje).
Racizmi dhe gjuha e urrejtjes tani po përhapen veçanërisht shumë përmes internetit dhe mediave sociale. Është e dukshme se gjatë krizës së koronës, është rritur përhapja e teorive të konspiracionit antisemitik, thuhet tutje në raport.
Ministri i Brendshëm Alain Berset shkruan në parathënien e tij për raportin më të ri se pandemia Covid 19 dhe lëvizja Black Lives Matter kanë “bërë të dukshme pabarazitë dhe tendencat e gabimeve sociale” edhe për ne.
Sipas sondazhit të fundit, pothuajse dy të tretat e popullsisë në Zvicër e konsiderojnë racizmin një problem serioz social, përcjell albinfo.ch. Një e treta i konsideron masat e mëparshme kundër racizmit si të papërshtatshme dhe sheh përgjegjësinë kryesisht te qeveria federale, kantonet dhe komunat.
Të ngjashme
Të tjera nga Lajme
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte