Prodhuesi i veturave ‘Audi’ do të zgjasë pushimet verore për punëtorët në fabrikat e Gjermanisë

https://www.motor1.com/

Prodhuesi gjerman i veturave Audi do të zgjasë pushimet verore për rreth 10 mijë punonjës në fabrikat në Inglostadt dhe Neckarsulm.

Arsyeja për këtë është mungesa e “mikroçipëve”, raporton agjencia gjermane e lajmeve dpa.

Punonjësit do të punojnë me kohë të pjesshme, dhe si rezultat, disa mijëra makina më pak do të prodhohen nga sa ishte planifikuar.

Kështu, në uzinën kryesore në Inglostadt, të gjithë nuk do të punojnë deri më 30 gusht.

Pjesa më e madhe e prodhimit në fabrikën Neckarsulm, e cila punëson 4000 njerëz, gjithashtu do të ndalet për disa ditë.

Në të dy rastet, arsyeja e ndalimit të prodhimit është mungesa e “mikroçipëve”, e cila ka shqetësuar industrinë e automobilave për ca kohë.

Audi njoftoi gjithashtu punë me kohë të pjesshme për shtatorin.

Pasi të dorëzohen pajisjet, Audi ka thënë se do të përpiqet të kompensojë prodhimin e humbur.