Pritje deri në pesë orë për të dalë nga Kosova

Vazhdon fluksi i madh i mërgimtarëve për t'u kthyer në vendet perëndimore

Fluksi i madh i mërgimtarëve që kaluan pushimet në Kosovë po vërehet edhe mëngjesin e sotëm nëpër pikat kufitare me Serbinë, ku ata kanë marrë rrugën e kthimit nëpër vendet ku jetojnë.

Hiq më pak se pesë orë janë pritjet në pikën kufitare Merdar dhe kjo gjendje ishte pothuajse edhe gjatë gjithë natës së mbrëmshme.

Pritje ka edhe në pikën kufitare Dheu i Bardh, ku po pritet deri në dy orë për të kaluar kufirin.

Pika kufitare e Jarinjës po ashtu ka kolona deri në 700 metër, dhe pritjet po arrijnë deri në dy orë.

Mutivoda është pikë kalimi tjerët, ku ka pasur pritje deri në një orë e gjysmë.

Ndërkaq duket se edhe pika kufitare më Shqipërinë ka një fluks qytetarësh, të cilët janë drejtuar për në këtë vend, pasi pritjet janë rreth 35 minuta për ta kaluar kufirin dhe kolona arrin deri në 200 metra.

---