Ndahet nga jeta politologu, Ramush Tahiri

Ai ka qenë zëvendëskryeministër në Qeverinë e Kosovës në Ekzil, në fillim të viteve `90 të shekullit të kaluar

Sot, më 13 gusht ka vdekur politologu dhe veprimtari kosovar, Ramush Tahiri. Lajmin për vdekjen e tij e kanë publikuar mediat e Kosovës.

Tahiri një periudhë ka qenë këshilltar i presidentes së Kosovës, Atifete Jahjaga e cila ka shërbyer në këtë pozitë nga viti 2011 deri në vitin 2016, si dhe i Nexhat Dacit, derisa ka qenë kryetar i Parlamentit të Kosovës, në vitet 2001-2006.

Ai ka qenë zëvendëskryeministër në Qeverinë e Kosovës në Ekzil, në fillim të viteve `90 të shekullit të kaluar.

Për shumë vite ai ka qenë pjesë e pjesëmarrës aktiv i jetës publike në Kosovë me diskutime, analiza dhe opinione për aktualitetin politik.

I ndjeri, pas vetes ka lënë gruan, profesoreshën universitare, Lindita Tahiri dhe dy djem

Nesër do të mbahet mbledhje komemorative për nder të tij.

 

---