Më 26 gusht, Google prezanton një telefon të ri

Mësohet se Google ofroi detajet e para të Pixel 6, smartfonit flasghip për vitin 2021, dhe tashmë duket se është gati për një tjetër telefon, kësaj here me nxjerrjen në treg të Pixel 5a.

Thuhet se telefoni do të jetë një rimodelim i Pixel 4a 5G dhe një raport e fundit hedh më shumë dritë rreth telefonit. Pajisja ka të njëjtët kamera si Pixel 5 si dhe certifikimin IP67 të mbrojtjes ndaj ujit dhe pluhurit.

Pixel 5a do të përdorë çipin Snapdragon 765 5G dhe ka 6GB RAM. Bateria prej 4650mAh nuk ka karikim wireless. Ekrani i telefonit do të ketë një madhësi prej 6.4-inç.

Sipas raportit, Pixel 5a del në shitje më 26 gusht, për 450 dollarë.