Zvicër: Gjykata hedh poshtë ankesën kundër vaksinimit të të miturve

Ankesa e refuzuar nga të dy prindërit ende mund të çohet në Gjykatën Federale dhe për këtë arsye nuk është ende e plotfuqishme

Të miturit nuk kanë nevojë për pëlqimin e prindërve për vaksinimin kundër koronavirusit. Kështu ka vendosur Gjykata kantonale e Freiburgut. Një kërkesë e tillë do të ishte në kundërshtim me Konventën e OKB -së për të Drejtat e Fëmijëve, ka vendosur gjykata, shkruan srf.ch.

Vendimi, i publikuar në internet, u bë i ditur të shtunën nga gazeta e përditshme e Freiburgut “La Liberté”, transmeton albinfo.ch. Megjithatë, ankesa e refuzuar nga të dy prindërit ende mund të çohet në Gjykatën Supreme Federale dhe për këtë arsye nuk është ligjërisht e plotfuqishme.

Në gjykim, gjyqtarët pranojnë se vaksinimi është një ndërhyrje mjekësore që përbën një sulm ndaj integritetit fizik të një personi dhe kërkon pëlqim nga pacienti, i cilu duhet të jetë i mirëinformuar.

Sidoqoftë, sipas praktikës gjyqësore aktuale, një i mitur ka aftësinë e nevojshme që të japë pëlqimin e tij.

Një i ri është po aq i aftë për të gjykuar sa prindërit e tij, përderisa nuk ka nevojë për ndonjë njohuri të posaçme shkencore, përcjell albinfo.ch. Ai duhet të ketë të njohura konsideratat e specialistëve të shëndetit, si dhe efektet anësore dhe të informohet për vaksinimin nga stafi mjekësor.

---