Ackermann: “Me vaksinimin e plotë të popullatës, epidemia përfundon për dy muaj”

Kjo, sipas tij, megjithatë nuk po arrihet për faktin se tre milionë njerëz në Zvicër nuk janë vaksinuar ende kundër virusit korona

Task -forca federale po vazhdon të bëjë thirrje për vaksinim kundër koronavirusit. Sipas saj, Zvicra ka vaksinat më të mira.

Presidenti i Task Force Martin Ackermann e tha këtë në konferencën për media të BAG të mbajtur sot, shkruan srf.ch.

Virusi korona nuk do të largohet, ka thënë më tutje Ackermann, transmeton albinfo.ch. Por ne ekemi në dorë ta përfundojmë epideminë brenda dy muajve, duke u vaksinuar.

Kjo, sipas tij, megjithatë nuk po arrihet për faktin se tre milionë njerëz në Zvicër nuk janë vaksinuar ende kundër virusit korona. Nëse të gjithë ata që ende nuk janë vaksinuar do të kontraktoheshin nga Covid-19, mund të kemi sërish ngushtica në sistemin e kujdesit shëndetësor.

Prandaj, një sistem paralajmërimi i hershëm është i rëndësishëm. Vaksinimi mund të parandalojë skenarë të sëmundjeve të rënda. “Vaksinohuni sa më shpejt që të jetë e mundur,” ka apeluar ai më tutje tek popullata.

 

---