Challandes, në mesin e emrave të përmendur për trajner të Zvicrës

Keystone

Kombëtarja e Zvicrës është vënë në kërkim të një trajneri të ri, pas largimit të Vladimir Petkovic, transmeton albinfo.ch.

Pas një debutimi mjaft të suksesshme në Euro 2020, Petkovic është larguar nga stoli i Zvicrës, duke bërë që Federata Helvete të jetë në kërkim të një trajneri.

Mediet nga Zvicra raportojnë se një nga kandidatët potencialë për të marrë drejtimin e kombëtares është trajneri i Kosovës, Bernard Challandes.

Në mesin e emrave të tjerë të përmendur është edhe Marcel Koller. Po ashtu, Lucien Favre është preferuar, por ky i fundit ka refuzuar postin.

Sipas Nau.ch, kontaktet e para mes Challandes dhe krerëve të federatës janë bërë.

Mbetet të shihet nëse trajneri i Kosovës do ta lërë në gjysmë aventurën e tij dhe t’i bashkohet Zvicrës.