Integrimi
Kandidatët me mbiemra jozviceranë, dukshëm më pak shanse për t’u votuar
Emrat e tyre hiqen në mënyrë mbi mesatare nga listat - kryesisht në favor të konkurrentëve me emra zviceranë
Në zgjedhjet që mbahen në Zvicër, kandidatët me emra që “tingëllojnë” si të huaj janë të dëmtuar dyfish: Sipas një studimi nga Universiteti i Lucernit, emrat e tyre hiqen në mënyrë mbi mesatare nga listat – kryesisht në favor të konkurrentëve me emra zviceranë, shkruan Agjencia e Lajmeve e Zvicrës, SDA.
Për realizimin e këtij studimi, janë shqyrtuar me kujdes më shumë se 600,000 fletë votimi të ndryshuara nga zgjedhjet e vitit 2015 për Parlamentin Nacional, transmeton albinfo.ch. Pastaj, me anë të regjistrit të mbiemrave, është bërë dallimi midis emrave “zviceranë” – domethënë, emrave të regjistruar para vitit 1940 – dhe atyre “jo zviceranët” – emrave pra (dhe mbiemrave) që janë shfaqur më vonë.
Pastaj janë shqyrtuar teknikat që përdoren gjatë votimit në Zvicër të njohura si “panaschier” (shpërndarja e mundshme e disa votave në lista të ndryshme) dhe “kumulative” e votuesve. Me këtë është zbuluar se emrat që tingëllojnë si të huaj ishin hequr në mënyrë disproporcionale shpesh nga listat ndërsa emrat zviceranë ishin shtuar më shumë se mesatarja.
Sipas studimit, ky zbulim tregon se kandidatët me sfond migrimi janë të zhvlerësuar. Në të njëjtën kohë, aty manifestohet se votuesit u japin kandidatëve vendorë një avantazh që nuk ua japin atyre që janë me prejardhje të huaj.
Autorët e studimit kanë konstatuar këtë dukuri veçanërisht në mesin e anëtarëve të partive të krahut të djathtë.
Megjithatë, sipas studimit, jo gjithçka është e humbur për kandidatët me emra të huaj. Studimi gjithashtu tregon se partitë mund të shmangin kërcënimin e diskriminimit në zgjedhje: Këtë mund ta bëjnë duke pozicionuar sa më lartë që të jetë e mundur kandidatin me emër të huaj. Në këtë mënyrë ato mund të neutralizojnë “të metën e emrit”.
Pothuajse 38 për qind e të rriturve, banorë të Zvicrës kanë sfond migrimi. Pak më shumë se një e treta e tyre – domethënë mbi 13 për qind – janë natyralizuar, sipas Zyrës Federale të Statistikave (BFS), domethënë ata kanë të drejta të plota politike, përcjell albinfo.ch. Ndërkaq, nuk ka shifra të dokumentuara se sa parlamentarë të Zvicrës janë me sfond migrimi.
Të ngjashme
Të tjera nga Integrimi
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Austri
-
Kaleen performoi në skenën e Malmos, duke përfaqësuar Austrinë Një dekadë pasi Conchita Wurst bëri histori dhe fitoi Eurovision Song Contest në emër të Austrisë,...
-
Pse Austria nuk është në NATO?
-
Austri
Vjenë: Kori Siparantum, mahnitës në 200-vjetorin e Simfonisë së Nëntë të Beethovenit
-
80 vjedhje, 560 mijë euro dëm: Arrestohen katër shqiptarë në Austri
-
Austri: Ministri i Brendshëm kërkon dëbimin në Kosovë të kriminelëve nga vendet e treta