Rritet shitja e veturave në Evropë

Foto ilustrim @facebook

Duket se shitjet e vetura të reja u rritën në Evropë në qershor, referuar statistikave, duke arritur rritjen për të katërtin muaj me radhë, ndërsa shitjet vazhduan të rimëkëmbeshin nga niveli i ulët i raportuar vitin e kaluar kur kufizimet e koronavirusit mbyllën shitblerjet.

Po ashtu edhe regjistrimet u rritën me 13 për qind nga viti në vit, në 1.28 milionë vetura në Bashkimin Evropian, Britani dhe Shoqatën Evropiane të Tregtisë së Lirë, sipas të dhënave nga shoqata e industrisë ACEA.

Theksohet se ndër markat, fituesit mujorë përfshinin Hyundai, regjistrimet e të cilit u rritën me 75 për qind dhe Jaguar, i cili kishte 55 për qind. Kia dhe Mazda raportuan secila rritje prej 47 për qind.

Humbësit përfshinin markën Renault, me 24 për qind rënie dhe Ford, i cili ra 20 për qind.

Në gjysmën e parë, regjistrimet u rritën me 27 për qind në 6.49 milionë vetuura, duke mbetur nën nivelet që industria ishte mësuar para pandemisë.

Ritmi më i ngadaltë i vaksinimeve në Evropë dhe masat më afatgjata për të përmbajtur përhapjen e COVID-19 frenuan shitjet në fillim të vitit, ndërsa mungesa globale e gjysmëpërçuesve kufizonte gjithashtu aftësinë e prodhuesve të veturave për të mbajtur inventarët.

Rimëkëmbja më e ngadaltë e shitjeve në Evropë po jep pak efekt në linjat fundore të Volkswagen dhe Stellantis, dy prodhuesit më të mëdhenj të veturave në rajon.

Grupi VW javën e kaluar njoftoi se fitimet u rritën në 11 miliardë euro në gjysmën e parë, ndërsa Stellantis ka thënë që marzhi i fitimit të tij për periudhën duhet të kalonte parashikimin e tij prej 5.5 për qind në 7.5 për qind për vitin.

VW po përfiton nga dërgesat në Kinë, ndërsa Stellantis po arrin në blerësit që rrëmbejnë Jeep SUV fitimprurës dhe kamionçina Ram në SHBA.