Lajme
27 numri i viktimave nga përmbytjet në Belgjikë
20 korriku do të shpallet ditë zie kombëtare
Mësohet se numri i të vdekurve si pasojë e përmbytjeve në Belgjikë është rritur në 27, njoftuan mediat lokale belge, ndërkohë që 20 korriku do të shpallet ditë zie kombëtare. Përcjell albinfo.ch.
Në përputhje me vendimin e marrë nga qeveria belge për viktimat e përmbytjeve, më 20 korrik do të bien sirenat, flamujt do të ulen në gjysmështizë dhe një minutë heshtje do të mbahet në orën 12:00.
Po ashtu theksohet se Festimet e Ditës së Pavarësisë, të cilat ishte planifikuar të mbaheshin me ngjarje të kufizuara më 21 korrik për shkak të koronavirusit (COVID-19), janë anuluar plotësisht.
Lidhur me situatën, kryeministri belg Alexander De Croo e përshkroi situatën si “përmbytje që mund të jenë katastrofa më e madhe që vendi ynë ka parë ndonjëherë”, duke përmendur 20 të vdekur dhe 19 të zhdukur.
Ndryshe, në pjesën më të madhe të rajonit lindor të vendit që u prek nga përmbytja, shirat ndaluan që nga dje.
Teksa rreziqet e përmbytjeve dhe tejmbushjeve vazhdojnë për lumenj të caktuar, komunat kanë filluar të bëjnë vlerësimet e tyre të para në zonat ku është tërhequr uji.
Rreth 120 komuna të prekura nga përmbytjet ende kanë vështirësi të arrijnë te një numër i madh njerëzish që janë të izoluar në shtëpitë e tyre.
Shumica e autostradave nuk mund të hapen për trafik dhe hekurudhat pritet të hyjnë gradualisht në shërbim deri më 30 gusht.
Disponueshmëria e ujit të pijshëm mbetet një problem në shumë rajone, ndërsa vinçat dhe kamionët vazhdojnë të pastrojnë qytetet.
Shirat prekën veçanërisht rajonet Liege, Verviers, Spa, Namur dhe Limburg në lindje të vendit.
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik